( ما قِيل فى الشاى )
*****
على الصينية ما أبهاه
والسكرية جنبه
واللمة تحلى معاه
والمزاج يصفى بقربه
*****
دا الحياة من غيره عذاب
هو أعرق و أشهر مشروب
معاه يتجمع الأحباب
فى كل وقت مطلوب
*****
ما تقدر تعيش منه محروم
وإن أكلت كل اللحوم
وأى مشروب ما له لزوم
ولما تقدمه هو يتقال لك يدوم
*****
ورا كل أكلة معاك
ينعشك فى صباحك
ويفوقك فى مساك
ما تقدر تقوله أنساك
*****
أنا أتمتع برؤياه
فأكتب و أتجلى
والبسمة على الشفاه
لما أشربه أتهنا
*****
بشربه الصداع بيروح
والكفايين فيه مسموح
من غيره كأنى طير مدبوح
لحد ما الكوب يلوح
*****
ما أقدر على بعاده
ولا أقدر أفوت معاده
محضر خفيف او تقيل
أحب إحمراره أو سواده
*****
يوم سبته
لقيت النفوخ بيفور
ومن أقل شئ أثور
ولما جبته
حسيت إنى مبسوط مسرور
*****
إتعودت أشوفه مصبوب
مليان بيه الكوب
خزر و ناعم يذوب
حسب الذوق المطلوب
******
السيد عبد الكريم أحمد
2 / 7 / 2017
إرسال تعليق