قصيده..... بعنوان انا انسان
على كيفك يازمان
ع اللى انت عملته فيا
عايش كدا وبتألم
وياما شوفت آسيه
لا مسحت يوم دمعى
ولا قدت يوم شمعى
ولا شوفت حد مكانى
يعيش دور الضحيه
وانا رغم حزنى وجرحى
ح أظهر لك حبى وفرحى
وأرضى ب اللى أتكتب لى
ولا هأشكى غير لربى
هو اللى عالم بيا
ويا ناس انا انسان
عايش فى كل مكان
بعانى م الحرمان
وحروب كتير هدتنى
والغربه دمرتنى
وأيام مايعلم بيها
بتشيل وتحط فيا
عايش فى وسط غابه
عايش مع الديابه
وسنين بتنهش فيا
ياخلق حرام عليكوا
أنا منكوا وبرده ليكوا
وتعبت من الآسيه
ليه دمى يسيل عشان
خلاف مابنا كان
وب ايدكوا تظلمونى
عن بلدى تبعدونى
وترضوا اكون ضحيه
كلمات الشاعر محمد ثروت عبدالحفيظ
إرسال تعليق