اشواقي ليك
....................
عايزة اوصف شوقي ليك.. مش عارفة أقولك عنه ايه
حاول مرة تسأل عنيك.. يمكن هى تقولك عليه
واسأل الناس حواليك.. واسأل لمسة ايدي لايدك
واسأل الهمس بين شفايفك.. لما شفايفى تنده عليك
واسأل النبض جوا قلبك.. لما تضم قلبى ليك
اسأل كل دول يقولولك.. عن شوقي ليك هيحكولك
هيقولوا كلام ولا في الاحلام.. ع الحب عمره في يوم ما اتقال
ويخلوا الشوق يرتاح وينام ويداروا عليه من العزال
عايزة اقول واقول واقول في حبك ياما كلام كتير
عايزة الليل معاك يطول.. والقمر منك يغير
لما يلاقيني بوصف في حبك.. لما يلاقيني ف هواك اسير
والنجوم تفرح معانا.. والهموم تنسي هوانا
والطيور تسمع غنانا.. والزهور تفهم لغانا
ونرقص العشاق على دقة قلبى وقلبك
ونغنى للمشتاق لحن حبي وحبك
ونقول في كلام ولا في الاحلام ع الحب عمره ف يوم ما اتقال
ونخلي الشوق يرتاح وينام ونداري عليه من العزال
عايزة اكتب حكايات في حبك.. محتاجلها الف كتاب
عايزة الشوق يدوب قلبك.. زي ما قلبي ف حبك داب
والقى نفسي طول ما انا جنبك ناسية الحزن وأى عذاب
والاحباب يفرحوا ويانا.. واللي ما داب يدوب في هوانا
والحساد يبعدوا عنا.. والعزال يسيبوناف حالنا
ونرقص العشاق علي دقة قلبي وقلبك
ونغني للمشتاق لحن حبي وحبك
ونقول في كلام ولا في الاحلام.. ع الحب عمره في ما اتقال
ونخلي الشوق يرتاح وينام.. ونداري عليه من العزال
كلماتي.. محمد نبيه المرصفي
إرسال تعليق