المر ...يبقى سكر؟
لما الفرحه تتكتم جواك
ومتقدرش عنها تعبر
وتقف ف الحلق وتتسمر
ولما تبقى بطعم المر
وما تفيد بس تضر
تدوقها فاكرها سكر
تلاقيها بطعم الصبر
ويمكن أكتر
وتقف ف الحلق وتمرر
والدموع ف العين تتحجر
وتشوف الزرع الاخضر
بقى لونه أصفر
والدنيا حواليك بتتصحر
والبسمه ف الوش تكشر
والقلب اللى إنطعن بخنجر
والدم اللى سال
بلونه الاحمر
أوعى فى يوم تفكر
إن المر
هيبقى .....سكر
واللى إنجرح م الغدر
هيداويه الزمن أو دكتور
بقلم :محمد حجاج
إرسال تعليق