فص ملح وباش / بقلم الشاعر حسن الشوان

................................. فص ملح وباش ............

وإيه يعني لما تعيش مظلوم
وتقسا عليك قلوب الناس
والقلب يبقي جواك محروم
من كلام مالوش أي أساس
وتلقا السما بتبكي عليك هموم
ح تصحي جواك الإحساس
ح تنتفض من غفلتك وتقووم
تدعي ربنا بصدق وإخلاص
تجربه مريره وإختبار محتووم
عشان تعرف الحديد من النحاس
و تلقا ميزان الأصيل يطب نجوم
وقليل الأصل ميساويش مداس
واللي أكل عيش وملح مرسوم
عليك وفي شدتك باعك ببلاش
كان لمصلحته عليك بيحووم
ولما سمع أهاتك فص ملح وباش

...................................................
....... الشاعر حسن الشوان ............