ع القهوه يوماتي وقاعد
وبيلعب شيش بيش يك
وبأهل البيت ولا داري
والحظ مخاصمه وعك
سايق فيها التنطيط
يرغي ويعمل حواديت
وبتحلي السهره ليلاتي
مع سيكا وريكا ومعيط
للدنس يقول سلامات
للطبله يقول دوم تك
وبيرجع جمب الحيط
مسطول ورباطه انفك
لو مره تقوله نصيحه
أو كلمه حلوه مريحه
وتكون قدامه مرايه
يغضب يزعل ويكشر
والعفش يقوم ويكسر
وكمان يعملها حكايه
عنك يبعد ويخاصم
يمشي ومن تالت حاره
وتقابله في يوم مش قاصد
تلاقيه بيلف سيجاره
الصحه بقت في النازل
أحواله بقت مش هيه
وده يشكي وده يترازل
وعامله الف قضيه
وصحابه لما شافوه
عملم ولايوم عرفوه
بعيونهم غمزوا وشاورو
ده مفيش منه ولا أخوه
ع القهوه يوماتي وقاعد
وبيلعب شيش بيش يك
والحظ معاه بيعاند
سابه من بدري وفك
*****************
كلمات الشاعره فاطمه السيد
********************
إرسال تعليق