أرخص م الفتات
****************
كل اللى فات من عمرنا
كان ماضى أصبح ذكريات
أما اللى جاى ف عمرنا
بيقولوا حلم لكنه مات
يادنيا قاسيه وبالغرور
ليه تسجلى الأيام حضور
واحنا هنا ولا لينا دور
عايشين على كف القدر
مستنيين لحظة صفا
والضربه تيجى وف الخفى
والكف بيلسع ع القفا
ويقولوا عيشوا بلاش بتر
الفجر شقشق يوم نذور
وحلفنا للأيام نزور
ضربوا الودع .. مات الجدع
واتفننوا بكل البدع
وقالوا عيشوا بلاش طمع
فتعبنا من طول السفر
كل اللى فات دا باينه حلم
اما اللى جاى محطوط فيه سم
مين اللى قال ان الكبير بقى عنده دم
العدل مات وماعدتش حاجه خلاص تهم
ارضوا بقى وصاحبوا الهموم
الشمس عايشه لكن غيوم
حتى السما مافيهاش نجوم
امتى بقى ينزل مطر
ياكل ساكن فى الحضر
والريف وف كفور البشر
ليه الضمير فيكوا اتحشر
وبقينا أرخص من الفتات
**********************************
««(( طلعت عامر ))»»
إرسال تعليق