عالبال
،،،،،،،،،،،،،،
ياريت فيي اكمش الوقت الشقي
وافلش عليكي حرام من حبي النقي
لكن ياحسره الوقت مش عم ينكمش
دولاب ماشي وما منعرف شو بقي
هدي الموج وافتحي بواب البحور
وخلي الشعور يقابل الليله الشعور
وتاظل فوق الشط واقفلك ناطور
بجمرات بُعدك هالعمر لا تحرقي
لا تتركيني ناطر بشوق وحنين
بروحي جروح وما بقت تحمل انين
ياخوف قلبي يسرقونا هالسنين
من قبل ما صوبي يا عمري تمرقي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بقلمي راضي يوسف مشيلح
إرسال تعليق