( أنا و بلدي حدوته )
___________________
أنا الحدوته والتوته
وانا الغنوه اللي مظبوطه
على كيفك تغنيها
على اللحن اللي ف النوته
وانا الضحكة اللي مش طالعه
وانا الصفصافه ع الترعه
وانا المكنه اللي شغاله
بتروي الأرض والزرعه
وانا الداير كما الساقيه
ياست الحسن ياراقيه
فدا روحك تروح روحي
عشان سيرتك تدوم باقيه
وانا الهايم كما الدرويش
وانا النايم كمان ع الخيش
وتحلى اللقمه وياكي
بملحايه وكسرة عيش
وانا الماشي وماشي الحال
وانا العاشق وقلبي مال
واشيل الهم وياكي
لو همك يساوي جبال
وانا اللي باحلم بيكي ساعات
غريب وانسلخ جسمي راقات
مشتاق للضحكه في عيونك
وارجع أشوفك غالية الغاليات
..........................
بقلمي .......
معوض حلمي
منشأة بطاش
تمي الأمديد
دقهلية
إرسال تعليق