==ثورة 30يونيو==
في مصر قامت ثورتين
ولسه برضه علي حالها
شايلهم برمش العين
وقلبي قال يا جمالها
شبابها قال كلمتين
كان نفسه يوم يعدلها
حريه وكرامه انسانيه
ولقمة خبز لعيالها
وقالوا عداله اجتماعيه
تدوم وتعيش لاجيالها
لكن لحد امتي هنفضل
نبكي علي حالها
وامتي هييجي اليوم
نغني ليها موالها
موال الصبر طال عمره
وموال الفرح يحلالها
قولوا حققنالها ايه ؟
وشوفوا ايه اللي جرالها
لا حريه عادت موجوده
والكلمه لازم بحساب
والكرامه صارت مفقوده
واللقمه تيجي بعذاب
والعداله مش هااحكي عنها
متروكه لرب الارباب
قولوا حققنا ايه؟
وردوا عليا يا شباب
غير بس قومنا وحاربنا
في كل حته الارهاب
لازم نراجع حساباتنا
ونعرف ايه الاسباب
لاجل الكل يتعلم
وكل خطوه بحساب
هو انا باتكلم صح
ولا هاسمع لوم وعتاب
عموما مش هازعل منكم
مهما قولتم احنا اصحاب
وهبه البوهي
إرسال تعليق