غروني
گالت لي
جيتي واجابك
انت متللي
حرف جوابك
دابا ماتوللي
گلت لها
انا ماجيت
حرقة ف ليلتها
كنشتني ف الغيت
وفرحت ب خليلها
گالت لي
سعدك ف قرابك
حلمه مجلي
وعدوك غرابك
بارك ماتعللي
گلت لها
ع الغراب بكيت
دموع بلا جيلها
دفعني للتشرتيت
ونطيش بدليلها
گالت لي
ياالعربي آش عابك
ربيع فللي
زاد غ عدابك
ولخبزك مغللي
گلت لها
غروني وتغريت
عجبتني مواويلها
ف الدم غراقيت
مارحمت محاصيلها
گالت لي
فين كعابك
تخميمة عقلي
تهنيني م انيابك
ويزهر فصلي
گلت لها
اتجرحت واتبليت
بالشهادة وجميلها
هجرت البيت
وما سخيت بقنديلها
گالت لي
مات ترابك
القبر غ نساه لي
غ ياكلوك غ كلابك
ف محافل ويلي
گلت لها
بالعروبة تعنيت
خسرت مفاتيلها
ب إخ اتطليت
وما ضهرت فيلها
بقلم ادريس جبيلو
المغرب
إرسال تعليق