بسم الله الرحمن الرحيم
يا اللي كنت بحسها
أول ما عرفتها
طفلة فى الروضة
ليه دلوقتى قلبها
بقا ع الموضة
ليه القلوب بتتغير
ليه ما تفضل طفل صغير
ليه نفكر ليه نعكر
نهر حب صافى
و نلاقى الحقد و الشك
ع السطح طافى
ليه يا دنيا كنتى خضرة
ليه تبوري و تبقى راضية
ليه ما نرجع زى زمان
نحضن بعض و نحس الأمان
ليه القلب اللي كان ع الفطرة
ليه يتغير كل فترة
ليه ما يفضل جوانا طفل
ليه نقفل على قلوبنا بقفل
ليه ما نتقابل ليه ما نضحك ليه ما نلعب
بدل الشك اللي جوانا ليه نحزن ليه نتعب
إرسال تعليق