حاجات كتيره بتشتكى
جواها صوتها يستكين
بعزم تيجى و تختفى
و النبض مليان بالأنين
أوقات بتضحك دنيتى
أوقات تصالح فى السنين
و كتير بتصرخ دمعتى
و تسلسلل الليل الحزين
حاجات كتير متلخبطين
قصاقيص ورق متقطعين
بناس عيشتهم للفنا
و ناس عيونهم معصوبين
حنّوا كفوفكوا بدمنا
غنوا غُناكوا ف حُزننا
و ف ليله من ليل الشتا
هامشى بدرب السالكين
أخنق بإيدى دمعتى
أقتل دموع الكدابين
و مصر تفرد ضيها
على قلوب الطيبين
مصر اللى حاربت دمعها
كل الديابه المسعورين
مصر اللى ساجده لربها
و سجودنا عمره ما كان مُهين
مصر اللى ساكنه نبضنا
حتى و لو كتر الأنين
نمسح بإيدنا دمعها
و إيديها تغرف م الحنين
ما تقولوا عاشق حُسنها
ما تقولوا نبتى بأرضها
و حنوا كفى بشمسها
و الإسم موشوم ع الجبين
حالفين لنحمى عرضها
و الإبن و الجذر المتين
نحمى سماها و بحرها
و اشوف انا الطفل الدفين
ما بين ضلوعى يقولها
احنا اللى بيكى مكملين
يا ستنا رغم الجراح
رغم الكلام و الهلضما
و سباب و نكران الجميل
من فار مالوش فى المعلما
هاحلف ما تفضل شكوتى
و نعيش بحُسنك مُغرمين
و لا أسيب أنا بين الورق
بين العيون المسعورين
و بين إيدين اللى حرق
شماته بعيون كدابين
و لا خيط يقاوم فى الغرق
ما بين شرانق منصوبين
و اخنق أنا كل الألم
يا مصر و إنتى بننى عين
أخنق أنا كل الألم
يا مصر .. و إنتى بننى عين
إرسال تعليق