ماتكدبيش..شعر احمد التبيني(ديوان سحابة خوف)
معارضه لقصيدة..ﻻ تكذبى..للشاعر الكبير كامل الشناوى..
(ماتكدبيش)
ماتكدبيش..انا لسه شايف ضحكتك
متلهفه وحشاه شفايفك
وعنيه بتحضن نظرتك
شوقك مسابق خطوتك
رعشة ايديكى ولهفتك..
ضربات سياطك م القبل
لساها فيا معلمه..
لسانى شايفك
مفروده ايدك وبشغف
صادقه المشاعر تحضنه..
وانا بتخنق
نفس اﻻيدين
خنقوا ف ايديا بالخداع..
فكرت رعشتهم حنين
طلع ان نبضى بيتشنق
ماتكدبيش..
على قلب صنعك من هواه
على جرح كان فاكرك دواه..
وﻻ تخجليش
مش ح اقول للدنيا خانت
مش ح اقول العشره هانت
وانتى بيعتى خﻻص سنينى
مع انى لو اصرخ..رح اهدأ
واشفى بصراخى غليلى
وﻻتحسبيش
انى ح ابارك كدبتك
واغفر واصدق دمعتك
دالحب كان قيد وانكسر
مين كان يفكر
حبى ليكى ينكسر؟!
كان ذنب للناس بعلنه
دلوقت بعلن للبشر
اسلمت من زييف الغرام
وياريته قلبى ماكان كفر
ف ماتكدبيش
وماتخجليش
طفيتى كل حريقى
ف ضلوعى بيقين
همدتى شوقى
صحيتى موتي من وهم الظنون
مابقيتش مجنون الهوى
وغفرتى ذنب محبتك
كان مستحيل اقبل بأنه يغتفر
ف ماتكدبيش
بس اللى فيكى اصدقه
قلبك بعشق المخلصين
قلبك كفر
إرسال تعليق