_ : وقالي خلاص أنا مسافر
وجت ف جوازي تأشيرة
******
_ : ورايح فين ومن امتى
ياريت تسكت ودي سيرة ؟!!
_ : بلاد الغرب طلبوني
_ : ولا خايف من الغُربة
ولا من بنت دلوعة
بشعر أصفر عيون زرقة
_ : خلاص انا خدت تأشيرة
تلات سنوات
و ح أرجع لك أنا دكتور
تلات سنوات ؟؟!!!
تلات سنوات من عمري
دي حسبة بأشوفها انا كبيرة
يعدي الليل ويجي نهار
وراه الليل
تطول الضلمة في عيوني
وأشوف الويل
تلات سنوات ؟!!!
أكلم في حيطان البيت ؟
وما تردش اذا رنيت ؟
ولا اشوفك هنا جنبي ؟
ولا ايدك هنا ف يدي ؟
ونتقابل كده ع النيت ؟
تلات سنوات ؟
***********
ياراجل قطع الباسبور
بلاش تقطع علينا النور
تسبني ليه ياعيوني
عشان نفسك تكون دكتور ؟
ماتتعلم هنا ف بلدك
ح تبقى أحسن
متين مرة
ويدي ح تمسك بيدك
وسيبك من بلاد برة
دول من مدة والله
كانو عندنا سخرة
كان الجزماتي طلياني
وعامل القهوة يوناني
وكان المصري لايهمه
لا علاني ولا فلاني
تلات سنوات ؟ !!
ياقلبك
تلات سنوات كده تبيعنا
ولا تمشي ف شوارعنا
ولا تسلم على اخواتك
ولا تصبح على جارك
ولاتبيت هنا ف دارك
وتنسي حضن أولادك
تلات سنوات ؟
ولما اضحك افرح مين ؟
ولما ابكي راح اشكي لمين ؟
وليه تحرمني من شخطك ومن نترك ؟
تسيبني أأعد مع هدومك
وأدور فيها على ريحتك ؟!!
وألبوم الصور يطّلع
واكلم وحدي في صورتك ؟!!
تلات سنوات ؟!!!
كتير جداً تلات سنوات
يكون الحي فيها مات
وتندم ع اللي راح منك
دي حتى الآه
ح تتألم من بعدك
ويجي العيد على الجيران
وانا .... أستني في عيدك
تقول ياريتني ما سيبتك
تلات سنوات
هاعيش العمر مع صورتك
وذكرياااااااات
تلات .... سنوات
سافرت وقلت عدولي
وعدينا التلات سنوات
وعديت فوقهم ال عشرة 10
وخمسه كمان
وغاب الفرح عن دارنا
وجاه بداله كتيير أحزان
وشلت الهم من بدري
وفوقه أربي في عيالي
أنا لوحدي
وشهر يجر في التاني
لقيت الغربة وخداني
مع إني في وسط الأهل والخلان
وولدي اللي كان بيبي
صبح راجل مالي هدومه
وبنتي كمان
صارت شابة وبيجيها كتييير عرسان
وكان فكري اللي علي قدي
ان الصعب عدي وفات
أتاري الحمل زاد ع الكتف
وفين الأب ؟!!
عدي وفات
وقال عديلي ،أنا راجع !!
يا راجل ....عدوهم انت
معدوش التلات سنوات ؟؟!!!
وجت ف جوازي تأشيرة
******
_ : ورايح فين ومن امتى
ياريت تسكت ودي سيرة ؟!!
_ : بلاد الغرب طلبوني
_ : ولا خايف من الغُربة
ولا من بنت دلوعة
بشعر أصفر عيون زرقة
_ : خلاص انا خدت تأشيرة
تلات سنوات
و ح أرجع لك أنا دكتور
تلات سنوات ؟؟!!!
تلات سنوات من عمري
دي حسبة بأشوفها انا كبيرة
يعدي الليل ويجي نهار
وراه الليل
تطول الضلمة في عيوني
وأشوف الويل
تلات سنوات ؟!!!
أكلم في حيطان البيت ؟
وما تردش اذا رنيت ؟
ولا اشوفك هنا جنبي ؟
ولا ايدك هنا ف يدي ؟
ونتقابل كده ع النيت ؟
تلات سنوات ؟
***********
ياراجل قطع الباسبور
بلاش تقطع علينا النور
تسبني ليه ياعيوني
عشان نفسك تكون دكتور ؟
ماتتعلم هنا ف بلدك
ح تبقى أحسن
متين مرة
ويدي ح تمسك بيدك
وسيبك من بلاد برة
دول من مدة والله
كانو عندنا سخرة
كان الجزماتي طلياني
وعامل القهوة يوناني
وكان المصري لايهمه
لا علاني ولا فلاني
تلات سنوات ؟ !!
ياقلبك
تلات سنوات كده تبيعنا
ولا تمشي ف شوارعنا
ولا تسلم على اخواتك
ولا تصبح على جارك
ولاتبيت هنا ف دارك
وتنسي حضن أولادك
تلات سنوات ؟
ولما اضحك افرح مين ؟
ولما ابكي راح اشكي لمين ؟
وليه تحرمني من شخطك ومن نترك ؟
تسيبني أأعد مع هدومك
وأدور فيها على ريحتك ؟!!
وألبوم الصور يطّلع
واكلم وحدي في صورتك ؟!!
تلات سنوات ؟!!!
كتير جداً تلات سنوات
يكون الحي فيها مات
وتندم ع اللي راح منك
دي حتى الآه
ح تتألم من بعدك
ويجي العيد على الجيران
وانا .... أستني في عيدك
تقول ياريتني ما سيبتك
تلات سنوات
هاعيش العمر مع صورتك
وذكرياااااااات
تلات .... سنوات
سافرت وقلت عدولي
وعدينا التلات سنوات
وعديت فوقهم ال عشرة 10
وخمسه كمان
وغاب الفرح عن دارنا
وجاه بداله كتيير أحزان
وشلت الهم من بدري
وفوقه أربي في عيالي
أنا لوحدي
وشهر يجر في التاني
لقيت الغربة وخداني
مع إني في وسط الأهل والخلان
وولدي اللي كان بيبي
صبح راجل مالي هدومه
وبنتي كمان
صارت شابة وبيجيها كتييير عرسان
وكان فكري اللي علي قدي
ان الصعب عدي وفات
أتاري الحمل زاد ع الكتف
وفين الأب ؟!!
عدي وفات
وقال عديلي ،أنا راجع !!
يا راجل ....عدوهم انت
معدوش التلات سنوات ؟؟!!!
إرسال تعليق