بنعافر ونجرى على أكل عِشنا
علشان نعيش مستورين
وإيدينا صبحت صلبه وخشنه
من كُتر ما شقينا سنين
وإتعودنا طول حياتنا ع المرمطه
ومقضينها شقى وعذاب وشحططه
ولما نقول دُنيتنا خلاص إترتبت
نلاقيها فى ثانيه ترجع تانى ملخبطه
والعُمر يجرى قُدام عينينا
وياما شوفنا وياما قاسينا
ويوم الغُربه بيعدى سنين
بالذمه ده مش كتير علينا
وآه منك يا غُربتنا
ياسبب موت فرحتنا
يا مفرقانا عن أهالينا
وعن ناسنا وعزوتنا
ويا غُربه إمتى الرجع
عيونا بتُصرُخ م الجوع
وهتشبع لما تشوف أرضها
وساعتها هتجف الدموع
وأهو فرحنا خلاص إندفن
من غير غُسل ولا كفن.
إرسال تعليق