آه لو يرجع زماني
آه لو يرجع زماني
واسكن الماضي اللي فات
واقدر احذف من حياتي
كل هم الذكريات
هاحزف اللحظه الحزينه
اللي فيها أبويا مات
*********
لحظه شابت فيها راسي
وانحنى ضهر البنات
والتقيت الدنيا ضلمه
والحياه والكون سكات
والدموع ف عيون خواتى
رجعتلى الذكريات
*********
يوم ما كان الغالي يرجع
راسم البسمه لولاده
رغم يوم شغله اللي يوجع
كان يحس إن إحنا زاده
يفتح الأحضان ويركع
نجرى نشرب من وداده
*********
آه لو يرجع زماني
واسكن الدنيا اللي فاتت
واقدر احذف من حياتى
يوم ما امى الغاليه ماتت
يومها حسيت انى ضايع
وف ذهول والعقل شاتت
**********
افتكرت الحزن كله
اتوجد في الكون عشانى
لو يا امى هتسبيتى
الحياه ملهاش معاني
نفسي يامه تحضنينى
نفسي ارجع طفل تانى
*********
والقي صوت جوايا عالي
والدموع زادت ف عيني
اصحي يا امايا وتعالى
اوعى يا امايا تسبيني
لو هاعيش في الكون لحالي
جوه كفنك كفنيني
آه لو يرجع زماني
محمود عوض الله
شكرا لكم جميعا على هذا الاهتمام مع احترامى وتصقديرى لمجلة اضواء مصر
ردحذفتسلم ايدك ويسلم قلمك الرائع شاعرنا الكبير محمود عوض الله
حذفشكرا لمروركم الكريم
حذفشعر رائع وجميل جدا تسلم ايدك يا شاعر
ردحذفاشكرك جدا لكم كل الشكر والامتنان
ردحذف