{{ صعيدي }} كلمات زكريا ضاحى توفيق

والكُلّ عَارِفْ مِينْ جِدودِي
واللي ما يعرَف أقوله أنا مِينْ؟!
أنا حَلايبْ أنا شلاتين
أنا السَّدْ العالي الزين
أنا الكَرْنَكْ
والبَشرَة سَمْرَة سَمَار الليل
أنا الصَّحَراء في حُضّن النيل
أنا زهرة اللوتَس
أنا الأرض اليَابسة إللي تِهدّ الحِيل
صِعِيدي والتاريخ حِتَّة مِنِّي
ومعَايا ناصر أصدق دليل
أنا طَنطَاوي مَنارَة الأزهر
أنا السيوطي عُمدِة التفسير
أنا المَنفَلوطِي أنا العَقَّاد
أنا رَافِع مُعَلِّم جِيل
أنا في الطِّب يَعقوب
في الأدب حَافظ شَاعِر النيل
انا الأبنودي
اللي شعره سَمَّع أنا طه حسين
أنا مُنير لو غَنٌَّى
الطِّيْر عَ الشَّجِر تقوله آمين
صِعِيدِي بيقُولوا عَنِّي دِماغي قِفْل
افْتَحْهَا طَيِّبْ يا مِسْكِينْ؟!
لو كان جدَّكْ بَنَى الهَرَمْ
أنا جدِّي بَنَى الكَرّنَكْ
جدِّي وجدَّكْ كانوا أُخْوَة مُتَحَابِين
قُولتلكم إني صِعِيدِي بَفْهَمْ
مُشْ مُخْي تَخَينْ؟!
صِعِيدِي والكُل عَارِفْ مِينْ جِدودِي
عِرِفتُوا أنا مِينْ؟!