لساك غاوي للبعاد
اهين ياواد
لساك فكرني ياواد
ولا الغربه بتنسي
فاكر حضني ياواد
ولا الغربه بتئسي
ما جولت زمان
ياواد
هتروج ومترجعش
غواك البعاد ياواد
لو كنت فاكر ياواد
قلبي اللي علي شانك
بات حزين ومتآلم
راح عمري فداك
ولا بشكي ولا اتكلم
ولا عنيه السهرنين
ولا خوفي عليك من البرد
ولا كفي علي راسك
في عز الشرد
ولا دموعي لما تنزل
علي خدودي في لليل
حزين.
خلاص ياواد
نسيت السنين
خدك البعاد ياواد
خدك العناد ياواد
اهين من الشكوي
ياواد ومن الحنين
طب جولي اوام
ياواد جبت الصبر
علي الوحده
جولي منين،
وجولي اوام
غاوي الفلوس
ولا خلاص الدنيا
زرعت فيك طمع
النفوس،
ولا انا اللي غلطانه
جولت السند في الولد
واهو راح ورمانا
اهين. اهين من الشكوي
ارجع ياواد ولا تسوي
الدنيا في بعادك
ارجع ياواد
ولا خلاص كبرت
ع اللي ربو فيك
اياك تجولي البعاد
غصب، عنك ياواد
ولا طمع الدنيا بقي
خلاص مليك.
لساك غاوي البعاد
اهين ياواد
إرسال تعليق