{{بالعامية ..المصرية }}بقلم محمد ابو سخيل الباشا

بالعامية ...المصرية

وبنفس اللهجة القروية ..

نفسي أصرخ ...صرخة مدوية

وأحطم..... اسوار الحبس

اتنطط ...فى رحاب ...الحرية.

نفسي أقول للظالم ..كش

كلمة ..قوية تكون ..فى الوش

وأبطل قولة ...معلش....

بكفاية ..غش ...ووحشية .

نفسي اصرخ والناس تسمعنى

واقول لعيونى ...اتدمعنى

واقول للورمان ..دا ...يفش.

الدنيا والله ما تستاهل ..مدادية.

واقول للمظلوم ...بكفاية

عمال تتمسح فى الراية

وتدور ..ع ..الدود ..فى المش.

بكفاية سكوتك ..بكفاية

مشتاق ..متلهف ..ضحكاية

وحكايتك ..والله ..حكاية

طول مانت ..جبان ..ما ابتصرخش.

مين هايجيب ..حقك ..فى حياه

فيها ..وحوش ..والغابة ..بكرش.

عمال تسكت ..تسكت ..تسكت

أخرس ليه .....ليه ما ابتنطقش.؟

ماشي لوحدك ..جنب الحيط

ويقولوا عبيط ..وانت ..ما تنكرش.

طول ما ..الظالم فارد باعوا

وانت وراه ...بتقول ...تباعوا

وراسك ..وسط الوحل ......تخش.

مين راحيرفع ...راسك غيرك

اوعى اتطاطى ..لعفش ..وقش.

خليك ..واد ورق ..الكوتشينة

خليك وسط الملعب ....( كوتش. )

نفسي اعلى بعزم الصوت

افضل اصرخ لما ...اموت

ولا يوم حقى يضيع ..ف سكوت

ولا اقول ...للظالم ..معلش.

اوعى تخاف من ..كلمة ..حق

مهما ..طبول ع الراس بتدق

بيها تموت مرفوع الهامة...

هيه ...كرامة ..وحبة ..دم

اوعى ..تقوللى ف يوم ..معرفش.