سألوني مين حبيبك بقلم محمود ناصر

سألوني مين حبيبك
رديت وقولت انا
شايف الدنيا بعيونه
وبقالي كام سنه
مستني صدفه اقابله
الاقيه في حضني انا
سألوني فين بيسكن
رديت قولت هنا
وشاورت جوا قلبي
جوا قلبي انا
قالولي بكره يغدر
يبعد عنك ويهجر
ويسيبك للضنا
قولتلهم استحاله
عاشقين حتي الثماله
وحيعيش حبنا
قالولي ليه عشقته
وازاي تعشق ملاك
تبعت قلبك بايدك
للحسره والهلاك
قولتلهم مش بايدي
انا قلبي هو سيدي
والامر في الغرام
لقلبي مش انا
انا عشقه جوا مني
ساكن قلبي والنني
اتمني بس اقابله
واسقيه م الهنا
قالولي انت الخسران
في البعد وفي الهجران
قولتلهم بس روحوا
سيبونا لوحدنا
مش طالب اني اشوفه
كفايه عليا طيفه
بيجيني في المنام
ويقولي احلي كلام
ساعتها بس بفهم
في اللحن وفي الغنا
ساعتها بس حعرف
انا مين و مين انا
وتعيشلي يا اناااا

محمود ناصر