{{كانوا تلاتة}}بقلم عبد الله الهوارى

كانوا تلاتة

اتنين بيتكلموا واتنين ساكتين

قال واحد

ايه رايك فى العقل؟

التانى رد . زينة

ايه رأيك انت ف الجهل ؟

رد الاولانى مصيبة

ساله تانى

ايه رأ يك فى الثورة؟

التانى رد . عندينا ولا برة

قاله عندينا

رد بنبرة حزينة

محاولة

سال التانى

ايه رايك فى السجن ؟

قاله عندينا؟

قاله اه

قاله احسن من برة

قاله جعان؟

قاله ايوة

نادى على بتاع الدرة

قاله هات تلت كواز

كلوا ورموا العصب من فوق الكوبرى

فضل على ضهر المية عايم

سال التانى

بتعرف تعوم ؟

قاله لا

قاله زيى

طب ليه ما حاولتش تتعلم؟

قاله حاولت ما اتعلمتوش

سال الاولانى

ايه رايك فى الموت؟

سكتوا هما الاتنين

سابوا التالت لوحده يتكلم