... همسـات فـلـسطـيـنـيــه ... / بقلم فتحي وجيه

... همسات فلسطينيه ...

لو كل يوم يسقط .

بدل الشهيد عشرات .

او علي جثثنا ياعرب .

داس العدو وفات .

لا هنصرخ صرخه الم .

ولا هتسمعوا منا آهات .

ولا يوم دموع الندم .

تنزل علي شهيد مات ..

ناويين نموت ياعرب .

وسلاحنا في ايدينا .

وسلاحنا دا مش حجر .

دا عزيمه وايمان يقوينا .

والقلب صامد .. جبل .

والمولي ..... يحمينا .

ويوم ما شهيدنا يقع .

بيموت كده .. واقف .

وبكل عزه وفخر .

لربه .راسه رافع .

ماهو مات ياعرب . 

وعن اقصانا .. بيدافع . 

وثوابه عند المولي .

وهو بيه ... عالم ..

ولا هنقول ياعرب .

انتم من دا فين .؟

او تعالو ... يالا .

نرجع يوم حطين .

ما احنا عارفين ياعرب .

لا فيكم ابن الخطاب .

ولا حتي صلاح الدين ..

ولا حتي صلاح الدين ..

فتحي وجيه...