قطر الندى فاتنا
والفجر عدى أوام
الصبح زار بيتنا
لملم جراحه وهام
داير في حتتنا
مشتاق لبلح الشام
النخل كله جريد
رايدك تعيش في الضل
الطرح نار وحديد
الطلّة فيه .. بتعل
عنب اليمن مسموم
مفروطة حباته
شرقان انا ومهموم
ع اللي فنى حياته
يندب على حالك
صبحك ..
دة..ليل حالك
بيلالي موالك
في عيون
صبايا الحي
الفرقة قتالة
اغراب في قلب
الدار
بتضلمي الحاضر
وتقولي ..
بكره.. أهو جي
مايلة وعمالة
تتهربي م العار
وخالعة توب العلم
وعاشقة..دق الزار
دق الزار
زهرة يونس
إرسال تعليق