ضرير لكنى بشوف / كلمات الشاعر عبدالواحد محمد

ضرير لكنى بشوف
,,,,,,,,,,,,,,,,,,,,,,,
ضرير لكنى بشوف
وجع ودمع الناس
مخلوق من المخاليق
واخد العصاه عكاز
سندى هو الجدران
بنام وأنا فرحان
لأنى مبشفشى 
حسرة ومر الكاس
والناس حسدانى
على قعدتى فالظل
وعيناها شيفانى
محبوس نهارى سواد
ليلى كما نهارى
ضرير على عكاز
,,,,,,,,,,,,,,,,,,,,
الجهله وصفانى
بأن أنا أعمى
بعنيها شيفانى
داير كما فسقيه
راضى بقدر الله
والقسمه والمقسوم
أنام وأنا شبعان
فى ذحمة الدنيا
وأن نست المخاليق
ضرير ومتحسر
رب العباد موجود
بيرزق الدوده 
جوه الحجر تاكل
الرزق بيجلها
,,,,,,,,,,,,,,,,,,,,,,,,,,,,
القط والثعبان
أعداء ف الدنيا
بقدرة الحنان
وباسط الأرزاق
خلى العدو راحم
درس بقى وعبره
القط يخطف طعام
ويجيبه للثعبان
علشان ضرير غلبان
شوفو حكمة الدنيا
,,,,,,,,,,,,,,,,,,,,,,,
بقول لأعمى البصيره
رب السما ء موجود
يرزق الهاجع
ويحن ع الناجع
ويزود القسمه 
خليك صبور راضى
بحكمه وتراضى
وأعرف بأن الدوام
محال وفيه أخره
ضرير لكن شايف
وزايله يادنيا
,,,,,,,,,,,,,,,,,,,,,,,,,,
كلمات الشاعر
عبدالواحد محمد