ودع الأحزان وخلى
قلبك انت بلون جديد
خرج الحزن اللى جوه
لو تبدل كام وريد
والعن الدنيا وابوها
خلى قلبك من حديد
هيا نازله فينا جر
تقلب الساهل شديد
قول عليها سلام يا دنيا
اوعى يوم ليها تلين
او تبدل ليها توبك
ارسم الخطوه بعنايه
اوعى جاهل يوم يعيبك
هيا لو قدرت عليك
انسى يوم تانى تسيبك
غير مشرد ولا تايه
ولا ناكر للجميل
هى دنيا بنت دنيا
حالفه لتجيبك عليل
هى سكه واحده ليها
تكسر بيها المستحيل
صلِ خمسك
صوم ف شهرك
عامل الناس ب الجَميل
تكسب انت حب ربك
اى حزن يروح بعيد
( بقلمى احمد هلال )
إرسال تعليق