{{ بحبـــــك ياأمـــــى }} كلمات رضا أبو الغيط

يا حبيبه.. وف قلبك طيبه
مين غيرك.. يبقالى حبيبه
بهواكى وعايش برضاكى
وتملى ....من قلبى قريبه

************************
من صغرى ..متشعلق بيكى
شيلانى... ف الننى عينيكى
بضحى ...علشانى يا أمى
ومن فرحى.. بتحنى ايديكى
*************************
سهرانه.. ف الليل ويانا
وعينيكى... دايما ترعانا
مين غيرك يا حبيبتى يا أمى
يبقى لنا ...ف الدنيا هنانا
*********************
من برد الدنيا... بتحمينا
ومن شهدك.. ياامه بتروينا
وبتدعى المولى ف صلاتك
تتحقق.... يا أمه.. أمانينا
*********************
علشنا.. بتعيشى حياتك
وبتنسى ..نفسك وحياتك
وحِياتك يا امه يا نور عينى
راح تِلقى.. الفرح ف أولادك
***********************
ها نكون لك.. يا امه قناديلك
والقمره ..... اللى تنور ليلك
ونحنى.... بالحب ايديكى
ونسُر الفرح ...ف مناديلك
**********************