{{ باللهجة الصعيدى }} بقلم ياسر التونى

طب قولولى كيف هوفــّى
اللى ضمتنى ف حِشــــاها
قولو ايه ينفع هديـــــــــــةْ
للى سمونى (ضنــــــــاها)
قبل ماعينيها تشــــــــوفنى
شافنى قلب بعين هنــــــاها
باللى ساكن جنبه وحْــــــدُه
ف السهر والنوم معــــــاها
كـــــبدها مسـْـــــندْ دراعى
كنت بتنفس هـــــــــــواها
لأ .واكلى كان خُلاصـــــة
من غداها ومن عشـــــاها
وان ماكنشى يبقى قوتـــى
من عظام شايلين بُُنــــاها
لما ايدهاتمشــــــــى فوقى
القى روحى تروح وراها
ليه عشان لمسة حنـــانها
السعادة ف منتهاهــــــــــا
وف حركتى كان المْهـــا
بس سبحانه عطــــــــاها
حب بالفطرة وغـــــريزة
تنسى امى معاه شقــــاها
اصرب الضربة ف حركتى
اسمع الضحكة وصداها
اما ف ولادتى العصيبة
كلهم قالوا فــــــــــــداها
واد يروح ويجيناغيــره
عشنا بالخلفة وبـــــلاها
بس هى النبـــــض فيها
كان مترجم لى دعـــاها
ربنايورينى صــــــورته
عندى بالارض وسماها
والاله بالــــــرحمة قدّر
انها تحقق منــــــــــاها
بس من قلة علامـــــهم
قالوواد ياخد عزاهــــــا
قلت قطع لسان ابــوكو
ايوه واد لكن فـــــــداها
هوبعد الام نعــــــــــمه
غير دعاها أورضـــاها
اهداء :الى باب الجنة الاوحد الذى مازال مفتوحا امامى واسال الله ان ادركه الى ست الحبايب (امى)
وكل عام وكل ام بخير