هادي ومش سعيد / بقلم الشاعر عمرو كندوز

هادي ومش سعيد
صُوت صراخي
وصُوت عَويليِ
والوجع ويآه تعب
بِيهد حِيليِ
برضه عادي
هو عادي تِهديِ
حلمي وتكسريني
وقت فرحي تجرحيني
وقت حزني تظلميني
هو عادي إنك تبيعي
أوتعاندي أو تخُوني
هو عادي ودا الطبيعي
إني أدراي دموع عيوني
هو عادي إني ساكت
و إني راضي بالسكات
وإني مؤمن بالقدر
واللي ِعدا واللي فات
يالله عادي
هو عادي دموعي
تنزل أو تسيل
بس مش عادي
أنكسر وأعيش ذليِل
هكوي جراحي من ناري
وهصرخ فيا وهداري
كل شئ كان نصيب
لاكان بإيدي ولا إختياري
هَلضُم إبرة بخيط وهَلملم
بيها ألاميِ و كل جروحي
ومهما أبكي وأتألم
هداوي وجعي مع روحي
وهعاند في الأيام أوي
مش هقول تاني الظروف
أنا مش ضعيف أنا قوي
لا عرفت ضعف
ولا حتي خوف
لسه قادر أيوة قادر
إني أضحك و إني أهزر
و إني أكتب و إني أغنيِ
و إني أوصل أيوة هَقدر
ومش هسمح طمُوحي
يضيع ويتكسر
وان كنتي ناوية
ع العناد أنا قد عِندك
وقد جرحك وقد ظلملك
وهثبتلك
لا فارقة قُربك
ولا فارقة بُعدك
وبقولها عادي
----
عمرو كندوز