GuidePedia
آه يا بنت عمرى .....
الفراق قدرك وقدرى ....
خطفك من حضنى الموت ...
والبيت خيم عليه السكوت ...
روحتى وراحت ضحكتك ....
بيوسونى ويقولولى دارى دمعتك ...
وأنسى وعيش بقا دنيتك ....
عارفين أن غابت عنك فرحتك ....
واللى كانت سبب بسمتك ....
طيب أزاى يا بنتى من غيرك هعيش ...
وأصحى من النوم أزاى ومالئاكيش ...
آآآآآه يا كل دنيتى وعمرى .....
آه يا شمس فى نهارى وف ليلى قمرى ...
آه يا بسمه راحت ومش هتعاودنى ....
يا ضحكه كنت اشوفها بعينى و أسمعها بودنى ....
يا حقيقه فى نهارى وفى احلامى تراودنى ....
خلاص مش هشوفك تانى فى مكانى ....
والتراب هياخدك من أحضانى ...
والله من غيرك كتير هعانى ....
وفى وسط الناس هحس أنى وحدانى ...
آآآآه يا قلب أتنزع من بين الضلوع ....
آآآآه يا صدر هيبات طول العمر موجوع ....
آآه يا حزن هكتبه فى كل موضوع .....
مع السلامه يا عمرى وبنتى ....
يالى عن عينى خلاص روحتى وغيبتى ....
مش مسامحك يا دنيا يالى الحزن عليا كتبتى ....
وسجنتى الفرح جوايا وبمفاتيحك عليه قفلتى ...
آآآآه و آآآه يا بنت عمرى ....
يالى الفراق قدرك وقدرى ....
Top
إرسال تعليق