سر الأرض
,,,,,,,,,,,,,,,,,,,,,,,,
بيسألو الفلاح أيه وجعتك
قال أرضى وسندى
عرضى وساترنى ورزق الولاد
قالو وفين الوجع ما الأرض موجوده
قال بصو وشوفو تلا قوها
بتقول غتونى من اللى جرى ليها
بيجرفو ها ويمحو الخضار فيها
بيبعو تعب السنين وحسرتى عليها
نشفت كما نشف ريقى من عطشى
ماعاد سماد ولا دوى يداويها
تعب الليالى وسهرى راحل فى أمنيها
قالو زمان ما حلاها عشت الفلاح
ما عاد الأ دموعى وهيه ترويها
الترعه نشف ميتها والصرف ماليها
والأرض راحت زهوتها وأتبخرت سواقيها
والتكنو لجيا خلت الفلاح عايش ومش عايش
يسهر طول الليل وينام لحد الظهر
وكل أمله وظيفه
وموتوسيكل ومراته وراه وشيله بطيخه
راجل طويل وعريض مايساوى تعريفه
وصحاب منصاب ماتعرف البميه من الكوسه
والأرض بور يا حسره من اللى جرى ليها
بعد السعاده وفرحه المحصول
كل الحكايه طبونه عيش غنى لينا
ونسينا سنابل القمح ولمه الأحباب
وبقيا زى ثراب وسو س نخر فيها
ياخساره على الفلاح ويا شوم على أرضه
وألف دمعه وجع وأنين ويارب مره نفوق
ونصحى نزرعها ونفلحها ونرويها
,,,,,,,,,,,,,,,,,,,,,,,,,,,,,,,,
فلاح وشاعر
عبدالواحد محمد
إرسال تعليق