العمر حبه ورق
العمر حبه ورق.......... من الزمن مقصوص
ليك فيه كتاب افترق مكتوب اليك مخصوص
اوراقه متلونه ..................وحروفه متدونه
بالساعه والازمنه .....مهما ان يزيد منقوص
*******************
واقف قصاد نفسى فى مرايه عاكسانى
الشكل نفس الشكل..ز وبدقه راسمانى
لكن صرخ قلبى ...........جوايا صرخه ألم
قال كل شئ اختلف.. مش بره... جوانى
*******************
`وسخ كلاب السكك بيرك يا أجدع سبع
ياكلوا عليه ويشربوا ......ويعلوا رايه ضبع
دايما كلاب السكك لما .....تغيب ...تنبح
وأما تعود يا أسد......... مايقربوش للنبع
********************
ماتسيبش قلبك طرى......... خليه بقوه حجر
ما يعذبوش الوجع .........ولا يهرى فيه السهر
خلى الحبيب فى العقل قبل اما يسبى القلب
شوف كام قلوب اكتوت .....من قلب حب وغدر
******************
جالك يا مصر العدا لابسين تياب خالك
يتوددوا بالندا .........بس الضمير حالك
ما يعرفوش عنك انك شموس مشرقه
ولبعض ناس محرقه ....ولبعضهم هالك
بقلم / احمد الحلى
إرسال تعليق