{{ حــــزين قـــــيراط }} الشاعر عبدالله الهوارى

حزين قيراط
تعبان قيراطين
حيران
قلقان
مصا حب الليل
ابو دم تقيل
بتسهر ف الممنوع
بتضحك
تنزل عيونك دموع
اخرة مرة ضحكت
ما عيطش
كان من كام اسبوع
بتضرب عود
يلحن بشرود
لحن موجوع
بقالك كتير
ما شفتش احلام
عشان مش بتنام
وان نمت
بتقوم مفزوع
بتكتب
كلام
متسطر مترتب
يطلع اكتر ما فيه
الام
عيشتك مليو دراما
مع انك ما بتروحش
اى يوم سيما
وبقالك دهر ما بتشوفش
افلام
بتعد وقتك
بالدقيقة
وتعد الدقايق
بالثوانى
بتهرب م الحقايق
وبرضه تنك
هتفضل حزين
عارف ليه؟
لان الحزن
اللى امتلكك
مش اوهام
لأ حقيقة