{{ مــــــدد مـــــدد }} بقلم الأستاذ محمود جنيدى

مدد مدد .. مدد مدد ..
شدى حيلك يابلد ..
لما قالوا دا ولد ..
انشد ضهرى وانسند ..
وفلت يمكن المدد...
ييجى على ايدين الولد ..
طالت السنين والمدد ..
وزاد شقايا ع الولد ..
اتارى ضهرى لا انسند ..
ولا كلت لقمة م الولد ..
غير ما النهارده بانجلد ..
بايدين وكرباج الولد ..
ومع الشبطان ولدى اتحد ..
خرب عمار قطع المدد ..
عزونى يا اهل البلد ..
فى ابن بطنى اللى شرد ..
وحق من خلق سمع وبصر ..
صدقوا اللى قالوا فى الاثر ..
قلبى على ولدى انفطر ..
وقلب ولدى عليا حجر ،.