"النعمه تزول"
النعمه تزول فبقيت معزول واقف مزهول
م الغباء.
ضاع الحبيب دا انا امرى عجيب اسلوبى غريب متأخر فاق.
انسان نمرود عقله مسدود تفكيره محدود شبه الوباء.
بفظاعه يزيد من غير تحديد ودا اصله عنيد
ولا ليه شفاء.
علطول يتكلم وبسرعه يألم احساسها وقال ايه مشتاق.
يقولها بحبك ماليش غير قلبك ودا اسمك احلى من الاسماء.
بس التوهان خلاه سرحان ماقلش الاسم و قال يا ولاء.
سمعتله كتير خانها التفكير
سابت المنكير وقالت ياسلام!!
نسيت اسمى وبتقولى ابتسمى دانا رسمى هجبلك اعدام.
اه ياحفيظ داصنف خسيس مالهوش عزيز
مش عايزه كلام.
امشى ياغدار يابو قلب حمار وكمان صرصار مضروب ع الحيط.
طلعت جبان وكمان حيوان مالكش امان وعاملى حويط.
مصاحبلى سناء وفاء ودعء وتقولى ولاء لا دا انت عبيط.
ليه بس يا ناس مافيش احساس
ولا ذكرى حلوه م العشاق؟
خليك علطول ف طريق معدول ل النعمه تزول وتكون مستاء.
إرسال تعليق