مابقتش أصدقك كلمات أ / محمد السعيد

__ ( مابقتش أصدقك ) ___
كلمات / محمد السعيد
***********************
تخلف وعدك ليا
وبتكدب عليا ...
من النهارده خلاص
مابقتش أصدقك
مابقتش أصدقك في أي كلمه تاني خلاص
مابقتش أصدقك خلتني اصعب على كل الناس
وكل حاجه ليها أساس
وازاي قلبي هيعشقك
مابقتش أصدقك
تقولي تمللي في بالك
مع إن اللي يشوف حالك
يقول إنك ناسيني
ولما تغيب بالايام
تبقى علامة استفهام
مش عارف إمتى تجيني
بدور في اللي فات
وبسأل نفسي ساعات
عملت معاك انا إيه
كلمة حق تتقال
جرحك فاق الاحتمال
قوللي بتعمل كده ليه
مابقتش أصدقك في أي كلمه تاني خلاص
مابقتش أصدقك خلتني اصعب على كل الناس
وكل حاجه ليها أساس
وازاي قلبي هيعشقك
مابقتش أصدقك.