غزال بقلم عزمى عيد بدير

غزال
غزال ماشي بيتمختر
دواوين فى عيونه بتتسطر
والجو بعبيره بيتعطر
مين ياناس فى حلاوته
عيونه تسكر الرجال
وعوده ولا ألف موال
وشفايفه فوق الخيال
مين ياناس فى حلاوته
عيونه مهما يداريها
السحر ساكن فيها
وجوارحى دايما تناديها
بين الثانية والثانية
تضحك الدنيا معاها
وتحزن فى بكاها
السحر اللى جواها
خلاني حاجة تانبة
الصوت صوت عندليب
يدخل ع القلب يطيب
ويداوى جرح الحبيب
انت حياتى ودنيتى
فى لحظة ملكت فؤادى
حبك شرابى وزادى
أنت منايا أنت مرادى
أنت هنايا وفرحتى
............. غزال بقلم عزمى عيد بدير