=== أنا الفلاًح ===
أنا مصري أنا فلاح
لا متهني ولا مرتاح
شقى عمري بكل كفاح
**************...
أنا فــلاح عـــــــشان فالح
وخير أرضي كتير طارح
أصلي الفجر وأكون ساح
راضي ربي بضمير مرتاح
أن في غيطي طبيب جرًاح
****************
عرق جبيني روى زرعي
شايل همومي على كاهلي
أنا المصنع ما كان يصنع
إلا بزرعي ومن غيطي
****************
واغزل بايدي جلاليبك
على قدك وعلى لونك
ما أنا لونك وأنا توبك
وأنا أرضك وأنا عرضك
وأن نيلك وأنا بحرك
أنا خيرك وخيراتك
وفي طينك أنا معجون
أنا المصحون في ترابك
*****************
وكل قطرة من عَرقي
وكل نقطة من دمي
طلعت بجهد من فاسي
وتعب قلبي وأنفاسي
وفتلت فيكي عضلاتي
عاوز ألبي طلباتي
انك تعيشي في حياتي
أزهى أيامك يا حياتي
وأفتي عمري وأوقاتي
لاجل ما أشوفك يوماتي
شامخة وخضرة على عودك
وزهرة بتفتح في خدودك
وأملي أعيش بوعودك
زي ما طلعتي في قرآنك
أمن وأمان ودي عهودك
رغم أنوف حُسًادك
***************
وابني معايا في حبك
طالب يشوف يا دوب ودًك
عاوز يعيش في حنانك
ما أنا أبويا ربًاني
على حبك وحيًاني
ومِن قبله قالوا جدودي
عرضك في زرعك وأرضك
أنا المصري وسيد عصري
وأنا الفلاح ودا فخري.
حمدي عودة
إرسال تعليق