يا صاحبي
يا صاحبي والناس معادن
تتعرف وقت الشدايد
لقيتك صفيح ولاين
بتصدي قبل الحدايد
*************
يا صاحبي وهمومك جبال
هتفضل تشيلك كتافي
ولو كتف من كتافي مال
أفضل بعيد ومتعافي
*******
يا صاحبي وعدٌ الجمايل
يا صاحبي وعدٌ الجمايل
عمرنا ما يوم ا فترقنا
المال ده مسيره وزايل
وإحنا مسيرنا لبعضنا
********
يا صاحبي الأسد لو نام
يا صاحبي الأسد لو نام
تتلم عليه الديابة
وأنا عايزك صياد همام
دنيانا دي وحوش وغابة
********
يا صاحبي وعلى الغدر ناوي
يا صاحبي وعلى الغدر ناوي
أفتكر يوم أتعهدنا
الكلب حيوان بس وافى
وانت بتنسى وعُدنا
**********
يا صاحبي ما عدت قادر
يا صاحبي ما عدت قادر
أقبل بذل الخيانة
ياريتك لقلبي تغادر
كفانا ذل ومهانة
***********
ليه بتنكر عيشي وملحى
وبتخبى كمان الحقايق .
من نخلى جبتلك بلحى
شمت فينا الخلايق .
بقلم/ ياسين عبد الوهاب السيد
ــــــــــــــــــــــــــــــــــــــــ
نظم منسجم من فن الواو
ونتذكر شا عرنا الجميل
محمد خربوش رائد شعر «الواو»
ونتذكر شا عرنا الجميل
محمد خربوش رائد شعر «الواو»
أ/* عبد الستار سليم
أ/* خالد حلمي
وغيرهم من عمالقة هذا اللون الجميل صعيدي الأصل
أ/* خالد حلمي
وغيرهم من عمالقة هذا اللون الجميل صعيدي الأصل
إرسال تعليق