فلاحة انا بقلم أ/عادل الشهابي

.........( فلاحه أنا ).......
فلاحه انا من اهل الريف ....
أصيله والدم خفيف ....
اصحى املى زلعتى واخبز الرغيف ...
فلاحه والكرم عنوانى ...
ودايما مشرفه مكانى ...
وكل القلوب الطاهره تهوانى ...
مش معنى انى فلاحه انى فى التعليم جاهله ..
لا انا لاكبر الشهادات حامله ...
فلاحه مهتمه بشغلى وبيتى ...
شايفه شغل البيت وكمان غيطى ...
فلاحه وفرحانه انى فلاحه ...
وفى وسط زرعى وناسى حاسه براحه ..
فلاحه وبيتى مملكتى ...
اصيله ومشرفه عيلتى ...
وبقابل جوزى واولادى دايما بابتسامتى ..
فى البيت فلاحه وفى الشغل مديره ...
وفى قلب جوزى انا اكيد الاميره ..
الصبح بقوم احلب جاموستى ...
وموفقه بين حياتى وشغلى ودراستى ...
بنتى بعلمها ازاى تحترم جوزها وتصونه ..
وفى همه تكون هى الفرحه اللى فى عيونه ..
وعمرها ابدا فى يوم ما تخونه ...
بزرع فيها طاعه ربها ..
كده جوزها يصونها وفى قلبه يزيد حبها ..
ويتمنى يقضى عمره كله جمبها ..
فلاحه انا من اهل الريف ...
قلب ابيض والدم خفيف ...
بقلم :عادل الشهابى