رسالة زوج بقلم الاستاذ الشاعر/صلاح البرماوي

...(( رسالة زوج..))...
"""""""""""""""""""""
ملاكى .........
وصلتنى رسالتك
ومش قادر اجاوبك
حالتى من حالتك
وشوق عيونى لعيونك
لكنى بقولك........
وحيات عمرى وعمرك
انا شايلك فى عيونى
""""""""""""""""""
قمرى ........
حياتى بدونك مش هاتكون
وفى بعدك قلبى مسجون
والدنيا من غيرك
لا ليها طعم ولا لون
بتمنى ياقلبى يوم ماكون
جنبك وعينك تتملى عيونى
""""""""""""""""""""
قدرى ........
مكتوب لى احبك
واعيش محروم من قربك
لكن فى عيونى صورتك
مهما بعدنا ........
قلبى مش راح ينسى حبك
علشان موهوبلك
العمر بطوله
"""""""""""""""""
وعدى ....
وعد اكون جانبك
اكون سندك
ويكون العمر
ليكِ وحدك
وحيات القلب اللى حبك
اعيش واموت وانا بحبك
م انتى حياتى .......
العمر الماضى والاتى
""""""""""""""""""""""
عمرى .......
راح اقولك احلى سلام
ومايخلص بينا كلام
اقولك راجع ليكِ...
ومعايا اجمل انغام
لاجمل وردة ....
لكى منى مليوم سلام
"""""""""""""""""""""""""
صلاح البرماوى