الـــولـد ده _ بقلم الشاعر معوض حلمي

 ـــــــــــــــ الــــولـــــــد ده ـــــــــــــــ

الـولد ده .. هـو الأمـــل والأمنــــيات

هـــو الآيـات المـمكـــنات

هو اللي ماشي ع الصراط

وشــــــــــــــراع آمــــــين

الولد ده .. صـرخـه بـتـهـز القــــلوب

والتوب وثن مليان عيوب

والمسلمين عايشين يادوب

ع النـعر الشـجب المـهـين

الولد ده .. في غزه مسجون بالحصار

مـاراحـش مـصـيف للكـبار

ولا كل في مطعم بالدولار

ولا راح ملاهي السكرانين

الولد ده .. رامـي سـره في ألـف بير

جــواه مشـاعل للضــــمـير

بذره طارحـه عيال كـتير

عـنـده نخـوه وعـنده دين

الولد ده .. إيمـــانه فـكــره مقـنـــعـه

كـاره عيــوبـنا المخـضـعـه

مالهـوش في زيف الأقنعه

ولا باع في ناسنا الطيبين

الولد ده .. كـاره رسـالات الــكــراسي

والمـصـايـف والـشـمـاسـي

واللي عامـل نفسه ناسـي

بكـره يشـرب كاسه طـين

الولد ده .. ماراحـش أبدا يوم مارينا

ولاغـنى زي شاكوش ودينا

ولا عـرى لحمه ويأذي فينا

عــاش يـصـــد الخـوانــين

الولد ده .. ماشـافش أبدا يوم ملاهي

ولاشاف ابوه في الغي لاهي

ولا كـانت أمـه م الدواهي

دول علمـوه العـرض ديـن

الولد ده .. ماهـوش مـنافق أو جبان

واقـف يدافــع ع المــكان

خـلى العــدو واقـف مهان

لأنـــه ملـــــيـان باليـقــين

الولد ده .. رغم الحـروب رغم الدمار

مـادقـش طــعـم الإنكـسار

قـام وجــاب ضـي الـنـهار

ورد كــــــيـد الــغــادريـــن

الولد ده .. رافـض يطـبع ضـهر خيله

زي ماطـــبع خلـيــــــــــــله

حالـف يكـسر نـاب دخـيـله

حـافــظ عـهـــود الأولـــين

الولد ده .. ع الـقـدس واقف وحارس

بـس مســـتني الفــــوارس

يجـــوا جايـبـين النـوارس

يحضنوا الأقــصـى الحزين

ــــــــــــــــــــــــــــــــــــــــــــــــــــــــــــ

بقلمي الفلاح الفصيح / معوض حلمي

مـنشأة بطـاش/ تمي الأمـديد / دقهليه