قصاد المرايه
اهداء الي ابنتي الحبيبة
_____________
قصاد المرايه في بيتنا القديم
حكايه طويله وذكرى وشوق
على الصبح يضحك برغم السكات
وكلمة يابابا تطبطب عليا
ياروح قلب بابا وزينة البنات
قصاد المرايه ضفيرة وبوسه
وبابا اللي حبه يزيد مش يقل
وزرقك في جيبه تمام عال وفل
براءة وطيبه وحنية خالص
كأن ابتسامتك على الرزق ندر
ووشك يابدر البدور نوره صافي
على العمر كافي يزيده التمام
قصاد المرايه بتكبر وقلبي
بيصغر وشوقي يزيد من مفيش
وحالف يعيش عشان بكره يجي
واجيب نجمتين
وازين دولابك بحب وضمير
قصاد المرايه
عروسه وطرحه وفرحه ولمه
وبابا اللى فاتح ف قلبه جنينة مشاعر
بيتقال له جدو ولا شيء يهدو
سوا البعد عنك
برغم انت مني فقلبي حبيبتي
واحمد حفيدي يكون حته منك
قصاد المرايه البعيده قصيده
طويله
ولكن كلامي اللي فيها ف بابا كتير
يانبع الطيابه وسري الكبير
قصاد المرايه ف بيتنا القديم
قلم حبر ازرق
أجنده ودفتر
وذكرى خدتني لحلم الطفوله
وعمري بيكتب قصادي المشاعر
وشاعر تملي قصاده المنصه
وبنوته حلوه وطرحه وقصه
وكلمة بحبك
بتاخد من القلب رجفه ورقصه
ولسه الحكايه في بتنا القديم
قصاد المرايه من الساعة سته
بزرر قميصي
وخارج وقلبي الي خارج حدوده
ببتشد عوده
وشعرايه سوده في دقني يتيمه
بتنعي وجودها
وباقي حدودها من الشعر لبيض
يزيد ع الدوام
وخوفي من الوقت يسرق مشاعري
ويجري اوام
ومازلت راضي
بقول ع المعيشه
تمام التمام
ولساني رافض خضوعي المزيف
قصاد المرايه ف بيتنا القديم
بقلمي ( احمد هلال )
.jpg)
.jpg)
إرسال تعليق
الابتساماتانقر لرؤية رمز الإبتسامة
لإدراج التعبيرات يجب إضاف مسافة واحدة على الأقل