حلم...
حلم جوايا
وجواكم
وجوه كل عربي أصيل
حلم النهار والليل
حلم كل قلب صاحي
وكل قلب عليل
حلم الغنا والمواويل
حلم عايش
بقاله سنين وسنين
يا دارين
ومش دارين
حلم نشوف العرب
متجمعين
ومتوحدين
وحدة نظام
وحدة شعوب
وحدة ضماير وقلوب
وحدة ملايين
وحدة ديما للأمام
ما بينا رابطة الحزام
حلم جيل ورى جيل
حلم وحدة
يا موحدين
جيشها واحد
ورايتها واحدة
وقائد فذ همام
زي اللي كانوا
من آلاف السنين
زي قطز
وبيبيرس
وصلاح الدين
تهز الأرض خطوته
تشق السما صرخته
تشج الريسان ضربته
تخطف قلوب هيبته
وتشد وراه ملايين
وكل شئ في إيده
صح وتمام
مش هري كلام ..
تخاف منه ومننا
شعوب وشعوب
وناس وامم تانيين
وبيه وبوحدتنا
تنزاح غمتنا
وتشتد همتنا
وتتسمع ليه
ولينا بين الأمم كلمتنا
وندق بين الأمم هيبتنا
وبسلاحنا في سواعدنا
نضرب ضربتنا
ونرفع رايتنا
وتكون من أرضنا
لقمتنا وكسوتنا
وزادنا وزوادنا
وتروي عطشنا ميتنا
وعطش الحنين
لحلم السنين
وبإرادتنا ووحدتنا
نحرر أرضنا
ونصون عرضنا
وتعلى بين الشعوب
والقلوب
هاماتنا وهيبتنا
ونخلع توب عارنا
وخيبتنا ووكستنا
ونعيش بين الأمم
أمة بكرامة
ومسموعين...
ده حلمي وحلمكم
عايش في قلوبنا
من سنين
يرويه الحنين ..
وآدينا عايشين
يا سامعين
ومش سامعين
يا عارفين ومطنشين
يمكن حلمنا
يتحقق ..
ويكون لينا كلمة مسموعة
وراية واحدة مرفوعة
ونرجع تاني
زي ما كنا متوحدين
قبل ما تغيرنا السنين
ونبقى لقمة طرية
للأكالين...
شربة هنية للعطشانين
ضحكة شماتة للشمتانين..
محمد عبد النعيم
14/3/2023
.jpg)
.jpg)
إرسال تعليق
الابتساماتانقر لرؤية رمز الإبتسامة
لإدراج التعبيرات يجب إضاف مسافة واحدة على الأقل