حكاية قبل النوم
كتبت/ليلى ابراهيم
بالعاميه المصريه
كان يا ما مكان من زمان أوى زمان
كان فى عيله وحضن وجد وجده وخالات وخيلان والبيت بيشغى ومليان يقسموا الضحكه مع اللقمه والدنيا كانت أمان والطبق الواحد بالأكل يلف ع الجيران ولا يبات حد فى الطل ولا حزين ولا شايل هم بكره وزعلان ولا خايف جوازة البت قربت وأجهزها إزاى وإبنى الوحيد راح الجيش
لأن زمان كان كل عيال الشارع راضعين حب من كل الأمهات وأمان من أبوه فلان وفلان
كان يدخل الليل يتجمعوا الكل يحكوا ومبسوطين ولا تعرف إبنك نام عند مين ولا مين من ولاد إخواتك بحضنك فى أمان . خساره يا زمان
ضاع الأمان والثقه بين الأهل والإخوان البنت تخاف من حضن أبوها والأم مرعوبه من إبنها ولا عاد الخال والد
ولا العم سند وجاه وحنان
بنصبح على مجتمع مش بتاعنا
ومشاكل مش شبهنا حصل إيه؟ وإحنا مين؟
هنقول توتا توتا ولا لسه مخلصتش الحدوته؟
روتها لكم /ليلى ابراهيم
إرسال تعليق
الابتساماتانقر لرؤية رمز الإبتسامة
لإدراج التعبيرات يجب إضاف مسافة واحدة على الأقل