فاكرين محمد الدُّره ؟!
فاكرينِّي ولا نسيتوا صورتي
وانا باستغيث ليكوا بطفولتي
كان نفسي اعيش ما رحمتونيش
كان نفسي اضمِّك يا مدينتي
فاكرينِّي ولا نسيتوا صورتي
أنا كنت باصرخ ليكوا باطلب الأمان
وبدال ما الاقي من عيونكم الحنان
ألقى البارود زي السيول زي الطوفان
وبكل غدر وخِسَّه اموت وعمري هان
كان نفسي اعيش ما رحمتونيش
كان نفسي اضمِّك يا حبيبتي
فاكرينِّي ولا نسيتوا صورتي
وانا باستغيث ليكوا بطفولتي
في الموت شهادة ... نعيم وجنَّه
ودمي يبقى ... لأرضي حِنَّه
وما دمت اموت غدر بإيديكم
دمِّي اللي سال دا دين عليكم
لا بد والله يجيلكوا ساعه
وكل ده ح نردُّه ليكم
كان نفسي اعيش ما رحمتونيش
كان نفسي اضمِّك يا حبيبتي
فاكرينِّي ولا نسيتوا صورتي
وانا باستغيث ليكوا بطفولتي
الكاتب الشاعر
د./ محمد عبد الحافظ
موجه أول بالتربية والتعليم بمصر
معلم بسلطنة عمان
عضو اتحاد الفنانين العرب
عضو رابطة الزجالين وكتاب الأغاني
عضو شعبة المبدعين العرب
عضو المجلس القومي المصري
للشعر العامِّي
عضو المؤسسة العالمية
للتنمية البشرية والإبداع
عضو منتدى سفراء السلام العالمي
عضو المؤسسة العالمية للتنمية
البشرية والإبداع
عضو الهيئة العليا للاتحاد العربي
للقبائل العربية
عضو نخبة الشعراء العرب
عضو منظمة حقوق الطفل
عضو منتدى عروس النيل الأدبي
عضو صالون النهار الأدبي
وكيل الاتحاد العالمي للشعراء
والمبدعين العرب بسلطنة عمان
إرسال تعليق