قصيده عاميه بعنوان :-
((((((( أمى )))))))
أمى ///
يا أغلى هدية من ربى
يا سر هنايا وسعادتي
تعبتى كتير عشان راحتي
تعبتى يا أمى ما أرتاحتى
ولو قدمتلك .. عمرى
حقيقى العمر ما يكفي
يا ست الكل يا غالية
يا أغلى هدية من ربى
أمى .......... أمى
.......................
يا أجمل ما رأت عيني
يا بحر حنان .. بيروينى
وجودك جنبى يا غالية
يطمنى .... ويحمينى
وأجمل صوت أنا سمعته
دا صوتك .. لما يناديني
يدوم عطفك .. وحنانك
يا نور أيامي وسنينى
يا أجمل ما رأت عيني
........................
يا شمعه منوره عمرى
يا غالية وأغلى ما عندي
بتكمل بيكى سعادتي
بتكمل بوجودك جنبى
يا بحر حنان .. بيسقينى
يا ساكنه فى روحى وف قلبي
يا بر أمان ... بيحمينى
تعبتى عشانى ما أرتاحتى
ولو قدمتلك ... عمرى
حقيقى العمر ما يكفي
يا ست الكل .. يا غالية
يا أغلى هدية من ربى
أمى ............ أمى
.......................
فى جرحى وألمى تدوينى
وبكل حنان ... تضمينى
وأقول الأه .. من جرحى
تقولى أهين يا نور عينى
وبحيرتك يامه .. وبخوفك
وبدمع عنيكى .. تدعيلى
و بتنسى شقاكى وتعبك
لكن عمرك .. ما تنسيني
أحن قلب ..... دا قلبك
يا نور أيامي .. وسنينى
فى جرحى وألمى تدوينى
.........................
يا سر هنايا وسعادتي
رضاكى من رضا ربى
وقربك منى يامه بجد
يطمنى .... يريحنى
حنانك أصله فوق الوصف
وساكنه فى روحى وف قلبي
يا ست الكل .. يا عمرى
يا غالية وأغلى ما عندي
أمى ............ أمى
............................
كلمات / ربيع السيد دسوقي
///////////////////
إرسال تعليق