عبد العليم ابو عـبـده
بص حواليك
-------------
تلقى الناس شكلها
يشرح القلب الحزين
عندها اكلها وشربها
وماعدش فيه مساكين
ادى الفرفشه
وادى النعنشه
والكل عايش سلاطين
محدش بيقول لحد
هات جاجه
الناس عايشه
اخر رواجه
وبياكلوا لحم سمين
اللى ماسك شغلانه سابها
واللى عنده بهايم حلبها
واللى عنده مصلجه
راح المشرحه
بسببها
واللى ملطوع عنده ملايين
بيتمنى رجوع السنين
واللى دايخ السبع دوخات
مش لاقى م اللقمه الفتات
عياله ياولداه جعانين
واللى شارب م الخمره قزازات
وف الملهى ف حضن الرقصات
احنا فين وهوه فين
واللى يسمع عن المتاهات
مطمن وعارف هوه ابن مين
ارجوع وقول
دى سنين هباب
ناس ليها الكباب
وناس مالكها العذاب
والقساوه
بطعم الحلاوه
حتى اسالوا القوانين
اللى لمت الاكابر ف جنب
ونستهم دين ورب
وبس نارها بتهب
ع الناس الحيرانين
---------
الشاعر \\ عبد العليم ابو عبده
كلماتى ومسجله باسمى
إرسال تعليق