........... الله يابلدى عليكِ.............
******************************
///////////////////////////////////////////
والله.يابلدى .....طول ما انا عايش فيكِ
لأشيلك.........على ضهرى....وعدِّيكِ
ولو هاج الموج .والريح ضلل خطاويك
أكون رُّبَّان. وسواعدى مجاديف تحميكِ
وعيونى فنار.... وقلبى فلوكه.. .تعديكِ
عهد علىَّ ..تعيشى ...وترسى مراسيكِ
ولو هاخد ياعمرى.. من عمرى واديكِ
مش خساره... روحى ....يابلدى ..فيكِ
انت الضله والقمره .اللى لمَّنا.. حواليكِ
الشجره والثمره مدا بالخير.للكل آياديكِ
نتغرب.. .نشرق ...نغرب...بنعود..ليكِ
ملهوفه قلوبنا لشمسك ونيلك . وغناويكِ
ومين زيك ...؟ يابلدى ... أضاهيه بيكِ ؟
دا.. انت مالك مثيل... ولا هايكون ليكِ !
شعبك . هرمك . جيشك .
مساجد. كنايس . واقفين.....ضُليله عليكِ
وولادك.ع الحدود أُسود .ارواحهم تفديكِ
وشعب ساعة الخطرمارد.يرعب أعاديكِ
الله............. يابلدى.............. عليكِ
يارب........يصونك............ ويحميكِ
********************************
من ديوان (من ريحة الطين ونسيم النيل)
عاميه مصرية تحت الطبع
إرسال تعليق