تنويعات مختلفة
وقال ابن ابو السعود
""""""""""""""""""""""""
ودوايا منك نظرة عين
لاتقولي حقن ولابرشام
الضمة من عينك حنين
يهدي الخايف وينام
وليد ابو السعود
ونظرة من عنيكي
بتشفي كل الجرايح
وقلبي بيناديكي
بحبك دنة صايح (صايح بيقول )
وليد ابو السعود
ونظرة عنيكي غزال شارد
وراة انا بالقصد والنية
وشراعي ليكي فارد
علي شطك كل محبية ( احبابي ))
وليد ابو السعود
وبحور عنيكي عسل صافي
اشتغلت لاجل العسل نحال
الحب منيكي للجروح شافي
امتي مابينا يروق الحال
وليد ابو السعود
بقفص ورد جيت لجنابك
محب وراضي واقف ع اعتابك
فاتني الصبر وجيت لاحبابي
اسمي من المحبوبين ف كتابك
وليد ابو السعود
ودفنتي راسك في الرمال
ياام الرقابي الطوايل
من الخوف شايلة المحال
مانسيوا منك الجمايل
وليد ابو السعود
والشعر كما حرير انسدل
وطولة الصبر بتنول الامل
جايلك بشوق علي عجل
لاجلك انا بعت الجمل
وليد ابو السعود
لما لاقيت الست نايمة عالرصيف
قولت ببساطة دا زمن العجاف
لما يبقي الانسان فيها ضيف
ولا يلقي بطانية ولاعيش حاف
وليد ابو السعود
كلنا في الهوي مساكينيك
همانا وشقايانا دبحانا سكينك
عشقينك وف سنينك تعبانا بحنينك
وليد ابو السعود
ياللي بدعت الوجع
خلاص بقيت موجوع
قسمت الجنة كفور ونجوع
وليد ابو السعود
لسة الجرح ما اندمل
والدنيا فين يوجعك
لولسة عندك امل
خليها يوم تنفعك
وليد ابو السعود
عزمتني علي الموجود
اهل كرم وضايفة وجودة
وخرجت من عندكو مسعود
م الغدا مش من ابو دودة
وليد ابو السعود
إرسال تعليق